IT HAPPENS ONLY IN INDIA!!!

Geeli mitti ki bheeni sugandh
Lo ho gaya phir Bharat bandh

Padosi ke pressure cooker ki seeti
Second a/c from Howrah to VT

Arnab ke cheekhne ki awaaz
Chhole bhature with sirkewala pyaaz

Office mein boss ke lafde hain
‘Bhaiyya aaj ke dus kapde hain’

Dopahar ki gully cricket
Chai ke saath do glucose biscuit

Do rupaye ka dhaniya patta
Fabindia ka overprice dupatta

Kaamwali ke gold ke jhumke
Rickshe ki ‘top ten’ sunke

Mere bua ke saale ke devar ki shaadi
Aaj phir badhi desh ki aabaadi

Laughter club ke buddhon ki khee khee
Vada pav ki hari mirch teekhi

Picture mein Vicco Vajradanti ka ad
Durga Shakti Nagpal very sad

McDonalds ka aloo tikki burger
Reliance & Reliance ka merger

Bin bulaye mehman aa gaye
Zimbabwe India ko rula gaye

Border par ho gayi firing
Suna hai Infosys is hiring?

Eid ke chand ka intezaar
Chandrayan ke launch ka samaachar

Bharat desh hai ajeebogareeb
Lekin hai mere dil ke kareeb

Ek apnepan ka ehsaas hai
Isme kuch to khaas hai

Happy 67th Independence Day
Jana Gana Mana Adhinayak Jaya He

RumDrops